Subscribe

BREAKING NEWS

29 August 2017

மண(ன)ப் பொருத்தம் - தொடர்பதிவு (1)

இல்லாள் அகத்­தி­ருக்க இல்­லா­தது ஒன்­று­மில்லை!

மண(ன)ப் பொருத்தம் என்றொரு தொடர்பதிவினை இந்த விநாயகர் சதுர்த்தி அன்று ஆரம்பித்தோம்.அதன் தொடர் பதிவாய் இந்த பதிவைத் தர குருவருள் வழி செய்துள்ளது.இந்த பதிவினைப் படிக்கும் நண்பர்கள் அனைவரும், தம் வாழ்க்கைத் துணையோடு மனவளக்கலை மன்றம் / அறிவுத்திருக்கோவில் சென்று, இந்த மனைவி நல வேட்பு நாள் நிகழ்வில் பங்கு பெறுங்கள். மேலும் வாழ்க்கைத் துணையைப் பற்றிய தங்கள் பார்வையை மாற்றுங்கள்.உங்களுடைய அகத்தில் வாழ்க்கைத்துணையைப் போற்றுங்கள்.அதுவே இந்த வாழ்வின் ஆதாரம்.

ஓவ்­வொரு ஆணும் தனது வாழ்க்­கைத்­து­ணையை நன்­றி­யோடு வாழ்த்த ‘ மனைவி நல வேட்பு நாள்’ என்ற கொண்­டாட்­டத்தை அறி­முகம் செய்­தவர் அருட் தந்தை வேதாத்­திரி மகரிஷி.உல­கிலே தந்­தையர் தினம், அன்­னையர் தினம், ஆசி­ரியர் தினம், குழந்­தைகள் தினம், காத­லர்கள் தினம், நண்­பர்கள் தினம்,மகளிர் தினம், முதியோர் தினம், ஊன­முற்றோர் தினம் என தனித்­த­னியே கொண்­டாடி மகிழ்­கின்­றனர்.சுமங்­கலி பூஜையை கணவன் நல­னுக்­காக மனை­வி­யரும் வேண்டுகிறார்கள் .குடும்­பத்­துக்­காக தன்னையே அர்ப்­ப­ணிக்கும் மனை­விக்கு நன்றி சொல்ல வேண்­டாமா?



நன்றி சொல்ல வேண்டும். அந்த நன்றி நவிழலின் தான் வாழ்வின் புதிய கண்ணோட்டத்தை நீங்கள் உணர முடியும்.இதற்காகவே ஒவ்­வொரு ஆகஸ்ட் 30 ஆம் தேதி  ‘ மனைவி நல வேட்பு நாள்’ உல­கெங்­கு­முள்ள மன­வ­­ளக்­கலை அன்­பர்­களால் உற்­சா­க­மாகக் கொண்­டா­டப்­ப­டு­கி­றது.“கணவன் – மனைவி உறவு” பற்­றியும், சிறந்த தம்­பதி எப்­படி இருக்க வேண்­டு­மென்றும் அருட்தந்தை அழ­காக விவரித்­துள்ளார்.

மனைவி அமை­வ­தெல்லாம் இறைவன் கொடுத்த வரம் என்று கவிஞன் அழ­காக வர்­ணித்­துள்ளான். அந்த வரத்தை நாம் எப்படி பயன்படுத்துகின்றோம் என்பதில் தான் வாழ்வின் இன்பம் காத்திருக்கின்றது.ஆனால் நாம் அந்த வரத்தை சாபமாக்கி..சொல்ல முடியா துயரில் வாழ்ந்து வருகின்றோம்.

இரு மனங்கள் இணை­கிற வைபோ­கமே திரு­மணம். இது மனித வாழ்வில் புனிதம் நிறைந்த உறவின் திற­வுகோல். ஒரு­வ­ருக்­கொ­ருவர் ஆத­ர­வா­கவும், ஆதா­ர­மா­கவும் அமையும் இந்த உற­வில்தான் நிறைவு வரும். ஞானம் வரும்.ஒரு ஆணின் வாழ்வு பெண்ணின் வரு­கை­யாலும், ஒரு பெண்ணின் வாழ்வு ஆணின் வரு­கை­யாலும் இனிமை காண வேண்டும்.: இன்னல் காணக் கூடாது. கண­வனும், மனை­வியும்  ஒரு­வரை ஒருவர் மன­தார விரும்ப வேண்டும்.


முழு­மை­யாக நம்ப வேண்டும்..இரு­வரின் ரச­னையும் ஒரே மாதி­ரி­யாக இருக்க வேண்­டிய அவசியமில்லை .ஒருவர் ரச­னையில் ஒருவர் குறுக்­கி­டாமல் இருக்கும்  பெருந்­தன்­மையே போதும்.இங்கே தான் பிரச்சினை ஆரம்பிக்கின்றது.எனக்குப் பிடித்தது தான் உனக்கு பிடிக்க வேண்டும் என்ற ஒரு மாய மன  நிலையை அவர்கள் மீது திணிக்கின்றோம்.திணிப்பதை நிறுத்திவிட்டு ,அவர்களை புரிந்து கொள்ள முயற்சி செய்வோம்.

இந்த உலகில் பெற்ற தாய் தந்­தைக்கு அடுத்­த­படி ஆறுதல் தரு­கின்ற, அக்­க­றைப்­ப­டு­கின்ற உறவு கண­வ­னுக்கு மனை­வியும்,மனை­விக்கு கண­வனும் தான்.அதனால் தான் தாய்க்குப் பின் தாரம் என்று சொல்லி வைத்தார்கள்.சும்மாவா சொன்னாங்க நம் பெரியவங்க.ஆண்,பெண் உற­வு­களில் நிலவும் ஒழுக்­கத்தின் மூலமே உயர்ந்த நாக­ரிகம் உண்­டாகும். இந்த ஒழுக்­கத்தை பாது­காக்கும் கவ­சமே திரு­ம­ண­மாகும். ஆனால் இன்று நடக்கும் திருமணங்கள் பொருளை வைத்து அல்லவா நடக்கின்றது.இதனை நாம் சரி செய்ய சீர் தூக்கி பார்க்க வேண்டும். நடந்த திருமணங்களில் இணைந்த மனங்கள் தான் நாம் சரி செய்ய வேண்டியது.

ஓவ்­வொரு கணவன் – மனைவி உறவை உயி­ரிலும் மேலா­ன­தாக மதித்துப் போற்ற வேண்டும்.
உடல், பொருள், ஆற்றல் என்ற மூன்­றையும் ஒரு­வ­ருக்­கொ­ருவர் மன­தார அர்ப்­ப­ணித்து, இன்ப, துன்­பங்­களில் பங்கு கொண்டும் வாழும் பெருமை கணவன், மனைவி உறவில் தான் அதி­க­மாக அடங்­கி­யுள்­ளது.தமது பண்­பாட்­டின்­படி பார்த்தால்,பெண்கள் இயற்­கை­யி­லேயே தியா­கிகள் என்று சொல்­லலாம். கணவன் வீட்­டுக்கு வரும்­போதே தாய் தந்தை, பிறந்த வீட்டுச் சூழ்­நிலை எல்­லா­வற்­றையும் துறந்­து­விட்­டுத்தான் வரு­கி­றார்கள். திரு­மண வாழ்­க­கையைத் தொடங்­கு­வ­தற்கு முன்பே, துறந்து வரக்­கூ­டிய ஒரு இயல்பு அவர்­க­ளுக்கு வந்­து­வி­டு­கி­றது.இப்­படி எல்­லா­வற்­றையும் துறந்து விட்டு இங்கே அன்பு நாடி வந்த பெண்­ணுக்கு ஆத­ரவு கொடுக்க வேண்­டி­யது அவ­சியம். இந்த உண்மையை ஒவ்­வொரு கண­வனும் உணர்ந்­து­கொள்ள வேண்டும்.






ஒரு மனைவி என்ற மதிப்பு மட்­டு­மல்ல.. பெண்­மையும், தாய்­மையும் ததும்பும் எல்­லோ­ருக்கும் தர வேண்­டிய அதே மதிப்பு நம் வீட்­டுக்கு வாழ வந்த பெண்­ணுக்கும்  உண்டு என்­பதை அறிந்து கொள்ள வேண்டும். கணவன்- – மனைவி உறவில் இந்தப் பண்­பாடும் தியா­கமும் இருந்தால் போதும் அதை­விடப் பெரிய இன்பம் இந்த உல­கத்­தில் வேறு இருக்க முடி­யாது.ஒரு­வ­ருக்­கொ­ருவர் சச்­ச­ரவு இல்­லாத குடும்­பத்­தில்தான் குழந்­தை நன்­றாக இருக்கும். பிரச்­சினை உள்ள குடும்­பங்­களில் அடக்கு முறைக்கு குழந்­தை­களின் சுதந்திரம் பறி­போகும்.

இந்தப் போராட்­டத்தால் குழந்­தையின் உடல்­ந­லமும்,மன­ந­லமும் கெடும். ஒரு­வ­ருக்­கொ­ருவர் விட்டுக் கொடுத்தும் உதவி செய்தும் வாழ்­வ­துதான் திருமண பந்தம் என்­பதைப்  புரிந்து கொண்ட வீடு­களில் இந்தப் போராட்டம் இல்லை.விட்­டுக்­கொ­டுப்­ப­தற்குப் பதி­லாக, ஒவ்­வொ­ரு­வரும் ஒரு பிடியைப் பிடித்துக் கொண்டு “என் கருத்­துதான் உயர்ந்­தது” என பிடி­வாதம் காட்­டினால் பிணக்­குதான் வரும்.

கண­வனும்,மனை­வியும் நட்பின் மதிப்பை உணர்ந்து அதைக் காப்­பாற்ற வேண்­டிய அவ­சி­யத்தை நினைவில் வைத்துக் கொண்டால், மற்ற விஷ­யங்­களில் எந்தக் குறையும் இருக்­காது.
ஒரு குடும்­பத்தில் கணவன், மனைவி இரு­வரின் உற­வி­னர்­களும்; விருந்­தி­னர்­க­ளாக வர­வாய்ப்­புகள் உண்டு. அவர்­களை ஒத்த மதிப்­போடு இரு­வரும் உப­ச­ரிப்­பது கணவன் – மனைவி இடையே அன்பு வளரச் செய்யும். எளிய உண­வே­யா­யினும் விருந்­தி­னரை உப­ச­ரிப்­பதில் இன்­முகம் காட்­டுங்கள்.

‘இறை­வனே மனைவி வடி­வத்தில் வந்து எனக்குத் துணை­யாக இருக்­கிறான்.’ என கணவன் நினைக்க வேண்டும். மனை­வியும் கண­வனை இப்­படி கடவுளின் வடி­வ­மா­கவே தனக்கு உற­வாகி வந்­த­தாக நினைக்க வேண்டும். இப்­படி ஒரு­வ­ரிடம் இன்­னொ­ருவர் தெய்­வ­நி­லையைக் கண்­டு­விட்டால் போதும்.எத்­தனை துன்­பங்கள் வந்­தாலும் அவற்றை சமா­ளிக்கும் வலிமை கிடைக்கும். இல்­லற வாழ்க்­கையில் யாரும் அனு­ப­வித்து இருக்காத மலர்ச்சி கிடைக்கும்.



மனித இனம் வியப்­பா­னது. ஒரு பொருளை விரும்­பினால், அதை அடை­வ­தற்கு முன்பு அது பற்றி பல நன்­மை­க­ளையும், மேன்­மை­க­ளையும் கற்­பனை செய்­து­கொண்டு இன்பம் அடையும். ஆனால், அதை அடைந்­த­பி­றகு, எப்­போதும் குறை­களைக் கண்­டு­பி­டித்து சோர்ந்து போகும். இது உண்மை தானே.நீங்கள் பல விஷயங்களில் இதை உணர்ந்திருப்போம்.வாழ்க்கைத் துணை விஷயத்தில் சொல்லவே வேண்டாம்.கணவன் – மனைவி உறவில் முக்­கி­ய­மாக தவிர்க்க வேண்­டி­யது இதைத்தான். உங்கள் துணை­யிடம் இருக்கும் நல்ல விஷ­யங்­க­ளையும், உயர்ந்த குணங்­க­ளையும் பாராட்­டுங்கள். குறை­களை மனதை புண்­ப­டுத்­தாமல் எடுத்துச் சொல்லி நிறைவு செய்ய முயற்­சி­யுங்கள். வாழ்வு வளம் பெறும், குடும்பம் தழைத்­தோங்கும்.

உல­கத்­தி­லேயே நட்பு மிக மிகச் சிறந்­தது.: பய­னு­டை­யது. அதிலும் கணவன் – மனைவி நட்பு பற்றி சாதா­ர­ண­மாகச் சொல்­லி­விட முடி­யாது. புனி­த­மான உறவில் தோன்­றிய உன்­ன­த­மான நட்பு.
இரு­வ­ரு­டைய வாழ்க்­கையும் மேன்மை பெறவும், குடும்பம் வளர்ச்சி பெறவும், இந்த நட்பே பிர­தா­ன­மாக தேவைப்­ப­டு­கி­றது. இப்­ப­டிப்­பட்ட குடும்­பத்தில் வளரும் குழந்­தைகள் எத்­த­கைய நற்­பண்­பு­க­ளுடன் திகழும் என்­பதை நினைத்துப் பாருங்கள்!

கண­வனை மனை­வியும், மனை­வியை கண­வனும் பாராட்ட வேண்­டி­யது மிக மிக அவ­சியம். .சிறப்­பாக எதை­யா­வது செய்­தாலும், உயர்­வான பண்­பு­களை வெளிப்­ப­டுத்­தி­னாலும் மனம்­தி­றந்து பாராட்­டுங்கள். இது அன்­பையும், நட்­பையும் இறுக்­க­மாக்கும்.ஆனால் நம்மில் எத்தனை பேர் இப்படி பாராட்டுகின்றோம் என்று தெரியவில்லை.உதாரணத்திற்கு உணவு பரிமாறும் நிகழ்வே போதும். அன்றைய காலத்தில்.ஆம் அது அப்படி மாறி விட்டது. உணவை சமைத்து,பரிமாறி, கணவன் உண்டு முடிக்கும் வரை,கூடவே இருப்பார்கள்.ஆனால் இன்று அப்படி இல்லை.சரி விசயத்திற்கு வருவோம்.நீங்களே உணவை தட்டில் எடுத்து போட்டு சாப்பிட்டாலும்,சாப்பிட்டு முடித்த பின்பு, மனைவியிடம் சென்று,இன்றைய உணவு - அருமையாக இருந்தது.சாம்பார் சூப்பர் என்று சொல்லிப் பாருங்கள். அடுத்த நாள் முதல் சமையலில் இன்னும் சுவை மிகும்.ஆரோக்கியம் அதிகரிக்கும்.


இதற்­காக எப்­போதும் எல்­லா­வற்­றையும் பாராட்­டிக்­கொண்டு இருக்க வேண்டும். என்­ப­தில்லை. அப்­ப­டிச்­செய்து கொண்­டி­ருந்தால் அது வெறும் முகத்­துதி ஆகி மதிப்பு இழந்து விடும்.    உள்­ளதைப் பாராட்­டி­னாலே போதும். சுருக்கமாக ருசி­யாக மனைவி சமைத்துப் பரி­மா­றினால், “நன்­றாக இருக்­கி­றது” என்று சொல்­லலாம். இல்­லையா? பல­ருக்கு இதைச் சொல்ல வராது. .மாற்றிக் கொள்ள வேண்டும். காலை முதல் மாலை வரை நல்ல விஷ­யங்­களைப் பாராட்டிக் கொண்டே இருங்கள். அதுவே பண்­பாட்டின் உயர்வு.

சில குடும்­பங்­களில் கண­வனோ, மனை­வியோ பலரால் பாராட்­டப்­படும் பெரு­மைக்­கு­ரிய சாத­னை­யா­ள­ராக இருக்­கலாம். இப்­படி ஊரே தங்­களைப் பாராட்­டும்­போது, தங்கள் வாழ்க்கைத் துணையும் பாராட்­டப்ப­ட வேண்டும் என்ற எதிர்­பார்ப்பு இருக்கும். ஆனால், அப்­படி நினைப்­ப­வர்கள் ஒரு உண்­மையை உணர வேண்டும்.தன் கண­வரை   ஊரே பாராட்­டும்­போது அதில் சந்­தோ­ஷமும், பூரிப்பும் அடைந்­தி­ருப்பார் மனைவி. கண­வனும், மனைவியும் இரண்டு உடல்­க­ளாகப் பிரிந்தி­ருக்கும் ஒற்றை உயிர்தான் என்ற நம்­பிக்கை அவ­ருக்கு இருக்கும். கண­வ­னுக்குக் கிடைக்கும் பாராட்டு தனக்கும் சொந்­த­மா­னதே என்ற பூரிப்பில் திளைத்­தி­ருப்பார்.

அந்த நினைப்பில் இருக்­கும்­போது அவ­ருக்கு கண­வனைப் பாராட்டத் தோன்­றாது. எனவே இதைக் குறை­யா­கவும் எடுத்­துக்­கொள்ளக் கூடாது. அலட்­சியம் செய்­வ­தா­கவும் நினைக்கக் கூடாது.
இதே­போல இன்­னொரு விஷ­யத்­தையும் புரிந்து கொள்ள வேண்டும். தாங்கள் சொல்லும் கருத்து சரி­யா­ன­தாக இருந்­தாலும், அது எத்­தனை உயர்­வா­ன­தாக இருந்­தாலும், உங்கள் வாழ்­க்­கைத்­துணை  ஒப்­புக்­கொள்ளா விட்டால் அதை ஒதுக்­கி­வைத்து விடுங்கள். அவர் ஏற்­றுக்­கொள்­ளும்­வரை காத்­தி­ருங்கள். குடும்ப அமை­தியை இழந்­து­விட்டுப் பெறும் எந்த விஷ­யத்­தாலும் பயன் இல்லை.

பெண்­மையைப் போற்றி பணிந்து புகழ்ந்து வாழ்ந்த மனிதன் எப்­போதும் கெட்­ட­தில்லை. பெண்­ணி­னத்தை மதிக்­காத தனி மனி­தனோ,சமு­தா­யமோ உயர்­வ­டைந்­த­தாக சரித்­திரம் இல்லை. எந்தச் சமு­தாயம் பெண்­மையை போற்றி அவர்­க­ளுக்கு மதிப்­ப­ளித்து வாழ்­கி­றதோ அந்த சமு­தா­ய­ம்தான் அறி­விலும்,ஆன்­மீ­கத்­திலும் சிறப்­புற்று விளங்கும்.இதோ பெண்கள் நுழையாத ஆன்மிகத்தில், அவர்களை மதித்து அவர்களுக்காக ஒரு நாளை உருவாக்கி கொடுத்த எம் குருபிரான் யோகிராஜ் வேதாத்திரி மகரிஷி அவர்களையும், அன்னை லோகாம்பாள் அவர்களையும் மதித்து போற்றி மகிழ்கின்றோம்.

இல்லற நோன்பு
அன்பு ஊற்றாம் இல்லறத்தில் ஆண்பெண் இருபேரும்
அவரவர்கள் துணைவர்களை மனம்வருந்தச் செய்தால்
துன்ப உணர்வலை எழும்பி தாக்கியோரைத் தாக்கும்
தொல்லைதரும் சாபமாகும் நோய்கள் வரும்தேர்வீர்
இன்ப ஊற்று இருவரிடைப் பெருக வாழ்த்தலோடு
இன்முகமும் பொறுமை தியாகம் தகைமை காட்டவேண்டும்
தன்புகழ் விளங்கும் நல்லதரமுள்ள மக்கள்
தழைப்பார்கள் இல்வாழ்வை ஆய்ந்து கண்டஉண்மை 

- வேதாத்திரி மகரிஷி



மனைவி நல வேட்பு நாள்(AUG 30) உலகில் இதுவரை தந்தை நாள் (Father's day), தாயார் நாள் (Mother's day) தனித்தனியே கொண்டாடுகிறார்கள். சுமங்கலி பூஜை என்றளவிலே கணவன் நல வேட்பு நாளும் கொண்டாடுகின்றார்கள். மனைவி நல வேட்பு நாள் எந்த ஊரிலேயும் இல்லை. இது ஒரு நன்றி கெட்டதனம் இல்லையா ? இது என் மனதை உறுத்திக் கொண்டே இருந்தது. ஆனாலும், ஒருவர் தலையிட்டுச் செய்தால் மட்டும் போதாது. இது நாடு முழுவதும் ஆண் மக்கள் அனைவரும் தெரிந்து கொள்ள வேண்டும். பெண்மையின் பெருமையை உணர வேண்டும் என்ற மனதோடு ஆராய்ச்சி செய்த போது இந்த ஆண்டு என் மனைவியினுடைய (அருள் அன்னை லோகாம்பாள்) பிறந்த நாள் 30.8.ல் வந்தது. அன்பர்களிடம் சொன்னேன். என் மனைவியின் பிறந்த நாளையே வைத்துத் தொடங்கி மனைவி நல வேட்பு நாள் கொண்டாடலாம். இதையே வைத்துக் கொண்டு, இது முதல் கொண்டு ஒவ்வொரு ஆண்டும் ஆகஸ்ட் 30 ஆவது நாளை மனைவி நல வேட்பு நாளாகக் கொண்டாடுவது நம் சங்கத்தின் வழக்கமாக வரட்டும். பிறகு உலக நாடுகளிலும் பரவட்டும் என்றேன். ஆண்களும், பெண்களும் உற்சாகமாக அதை ஏற்றுக் கொண்டு பல இடங்களில் கொண்டாடுகிறார்கள். நீங்களும் உங்கள் வாழ்க்கைத் துணையை நன்றியோடு வாழ்த்தி இக்கவியைச் சொல்லி மகிழுங்கள்.




பெற்றோரைப் பிறந்தகத்தைப் பிறந்த ஊரை விட்டுப்
பிரிந்து வந்து, பெருநோக்கில் கடமையறம் ஆற்றப்,
பற்றற்ற துறவியெனக் குடும்பத்தொண்டேற்றுப்
பண்பாட்டின் அடிப்படையில் எனைப் பதியாய்க் கொண்டுஎன்
நற்றவத்தால் என் வாழ்க்கைத் துணையாகிப் பெண்மை
நல நோக்கில் அன்போடு கருணை இவை கொண்டு
மற்றவர்க்கும் தொண்டாற்றும் மாண்புமிக்க எந்தன்
மனைவியை நான் மதிக்கின்றேன் வாழ்த்தி மகிழ்கின்றேன்.


-- யோகிராஜ் வேதாத்திரி மகரிஷி

குடும்ப வாழ்க்கைக்கு செயல்வினை தான் காரணம். காண்பதெல்லாம் கண்வழியாலே, அறிவு தேடல் என்பது இல்லை. உடலில் அதிகம் எடையுடன் திகழ்வது உயிர்தான். காந்தம் என்பது உடல் முழுவதும் உள்ளது. உயிருக்கு போராடுபவர்கள் உயிராற்றல் நிறைந்த சொந்த பந்தங்களை பார்க்கும் போது, உயிராற்றல் பெற முடியும். தம்பதியர் நேருக்கு நேர் அமர்ந்து, தங்கள் கைகளை சேர்த்து வைத்துக் கொண்டால், காந்த பரிமாற்றம் நடக்கும். திருமணம் நடந்த நாள் முதல் கணவன் மனைவிக்காகவும், மனைவி கணவனுக்காவும் செய்தவற்றை நினைத்துப் பார்க்க வேண்டும்.இந்த அற்புத வேள்வியின் சூட்சுமம் இது தான்.எனவே மனைவி நல வேட்பு நாளில் பங்கு பெறுங்கள்.


நாளை நடைபெற உள்ள சில நிகழ்வின் அழைப்பிதழ்கள் கீழே 



 சென்னை சைதாப்பேட்டை மனவளக்கலை மன்ற அறக்கட்டளையின் சார்பில்; அன்னை லோகாம்பாள் அவர்களின் 103-வது பிறந்த நாள் விழா - "மனைவி நல வேட்பு நாள்" (WIFE APPRECIATION DAY) நம் மன்றத்தில் கொண்டாடப்படுகிறது.





நாள்: 30-ஆகஸ்ட்-2017 (புதன்கிழமை மாலை 6 மணி முதல்)
Address: 45/17 & 18, Jones Road, Saidapet, Chennai, Tamil Nadu 600015, India (Vaazhga Valamudan Building Complex)
தொடர்புக்கு: +91-44-23810055, 9080888883









நிகழ்த்துனர்: சென்னை நகர மண்டல SKY.பேரா.திரு.S.பொன்னுசாமி மற்றும் SKY.பேரா.திருமதி.லோகநாயகி பொன்னுசாமி (பழனி)
சிறப்புத் தம்பதிகள்: திரு.வெங்கடேசன் மற்றும் SKY.பேரா.திருமதி.முத்துலட்சுமி வெங்கடேசன் (மதுரை)

தம்பதிகள் அனைவரும் கலந்து கொள்ளும்படி பணிவன்புடன் அழைக்கிறோம்.இது நம் குடும்ப விழா.அனுமதி இலவசம்.


அன்னை லோகாம்பாள் அவர்களின் தியாகமே நமக்கு அருட்தந்தை கிடைத்தார். அருட்தந்தை அவர்கள் பெண்ணினத்தைப் போற்றும் வகையில் அம்மையார் பிறந்த தினத்தை மனைவியர் தினமாக சிறப்பித்துள்ளதை நாமறிவோம்.

கணவன் மனைவி இருவரும் உயிர்கலப்பு பெற்று... காந்த பரிமாற்றம் நிகழ்வுற்று... ஒருவரை ஒருவர் அன்போடு நோக்கி... நினைந்து... ஒருவருக்கொருவர் ஒத்தும் உதவியும் இன்புற்று வாழ அரியதோர் வாய்ப்பு 30-Aug-2017 திருமணம் ஆகி 50 வருடம் பிணக்கோடு வாழ்ந்த தம்பதிகள் கூட... இதுநாள் வரை அனுபவித்திராத மனநிறைவை பெற அழைக்கிறோம்...
இரவு விருந்துடன் விழா நிறைவுப்பெறுகிறது.
அனைவரும் வருக! For more details, please visit us https://goo.gl/maps/NeRY44fqFh32 or http://saidaijrmmtrust.org


மனைவி நல வேட்பு நாள் விழா - அம்பத்தூர் மனவளக்கலை மன்றம் அறக்கட்டளை











மனை­வியர் தின­மான (30 ஆகஸ்ட் ) பெற்­றோரை, பிறந்த ஊரை,.உற­வு­களை பிரிந்து, உங்­க­ளுக்கு தொண்­டாற்றி, இனி­மை­யாக, இன்­ப­மாக உங்­க­ளுக்­காக தன்­னையே முழு­மை­யாக அர்ப்­ப­ணித்து வாழும் அன்­புக்கும், பாசத்­துக்கும் உரிய  மனை­வியை ஒவ்­வொரு கண­வரும் மதித்து, வாழ்த்தி உங்களின் மாசற்ற அன்­பினால் அவர்­களை நனைத்­தி­டுங்கள்.இல்லற நோன்பை,நல்லறமாக்க மனைவி நல வேட்பு நாளில் பங்கு பெறுவோம்.

முந்தைய பதிவுகளுக்கு :





தாலாட்டு வேண்டுமா? தேசிய கீதம் வேண்டுமா? - http://tut-temple.blogspot.in/2017/06/blog-post_51.html




No comments:

Post a Comment